shanna 吃喝玩樂大本營

我覺得紅磡、黃埔一帶都幾多野食，成都好想試下時新快餐店，奈何每一次都同佢擦身而過。今次終於特登空肚黎食佢既漢堡包喇！

雙層漢堡芝士蛋包 ($24)

漢堡包唔算十分出色，但就係充滿港式風味 既一款漢堡包。麵包用左嘉頓漢堡包，微微烘脆，而中間既肉可以揀牛肉/豬肉，即叫即煎，小小juicy不過就好油，夾雜著芝士同蛋，而且配埋秘制既沙津醬 ，成個漢堡包真係幾惹味架！

漢堡扒唔算超大塊，但沙律醬令到呢個包變得更好味！

呢個漢堡包既size對於一個男仔黎講，可能有D細，最後朋友要食2個先飽，所以叫多左一個包～

魚扒包 ($21)

呢個包賣相就相對失色好多~ 魚扒即係龍脷柳，兩邊都煎過，再加惹味既沙律醬，但始終口感冇雙層漢堡芝士蛋包咁吸引！～

我地仲叫左2款小食。

炸薯條 ($18)

滷水雞翼 ($19/2)

雞翼幾好食，唔算超過入口，但雞肉就好嫩滑～～

餐牌

睇新聞話紅磡黎緊2，3年會重建，餐廳要搬遷，搵日經過要同朋友再去食呢個漢堡包呀！

餐廳資料：時新快餐店
地址：紅磡黃埔街1A地下