shanna 吃喝玩樂大本營

之前食過尖沙咀呢一間泰國菜，記得景觀唔錯之餘，食物都OK，今次同朋友去海港城行街，佢想食泰國菜，所以決定就喺度食晚餐(〃∀〃)

餐牌上有好多選擇，因為我哋有選擇困難症，我哋就選擇咗泰式海鮮餐σ`∀´)σ，包左前菜、冬陰公、咖喱蟹、紅咖喱扒大河蝦、青咖喱雞、飯、蝦乾炒椰菜苗，最後做有薑汁燉蛋做甜品(｡◕∀◕｡)真係好豐富㗎！

前菜有泰式蒸餃子、比利時炸蝦、慢煮花生軟糖拼菠蘿，蒸餃子幾特別，因為入面幾香泰式香料味，同平時食嘅豬肉蒸餃有少少唔同ε٩(๑> ₃ <)۶з

比利時炸蝦係原隻蝦肉炸，而且蝦肉爽彈，而花生軟糖甜甜地配上清甜嘅菠蘿，配搭都幾清新！

之後有大蝦冬陰公，好足料，蝦肉勁大隻，啖啖肉，而且口感幾好，入面都仲有啲菇粒，不過冬陰公酸酸辣辣好開胃，對我來講就有少少辣｡:.ﾟヽ(*´∀`)ﾉﾟ.:｡！

紅咖喱扒大河蝦，份量好大份，好少見到咁大隻嘅河蝦，河蝦肉身厚實，燒丁好香，都幾新鮮，入面有好多鮮甜嘅蝦膏，仲有一塊薄餅可以點住咖喱黎食(◔౪◔)!!

泰式黃咖喱炒肉蟹，我哋都覺得超好味呢，因為咖喱汁甜甜地，一啲都唔辣，加上肉蟹嘅份量好多，基本上都算啖啖肉，加埋啲汁真係幾惹味，個汁要用嚟撈飯呢(✪ω✪)

仲有個青咖喱雞，朋友嘅鍾意食，因為好香辣，而且有椰汁味唔算太重，不過雞肉有少少鞋口！

蝦乾炒椰菜苗都唔錯！

最後就有個薑汁燉蛋，賣相幾特別上面係一啲椰汁脆片，燉蛋嘅薑味都算突出，不過味道可以再濃郁一啲！

藍象泰國餐廳　

地址：尖沙咀廣東道3-27號海港城港威商場3樓3303號舖