shanna 吃喝玩樂大本營

去左稻八食日式火鍋炸物刺身放題，呢度有幾個set揀，分唔同既價錢，由$158-$368不等，可以食2小時，同朋友就揀左$238既極上安格斯牛小排放題，可以任食牛小排、穀飼牛、豚肉、羊牛、雞肉等等…送埋牛白肉同牛柳粒，仲有得叫刺身食！

湯底揀左3.6牛乳同蕃茄湯底，起初我地每樣肉類叫左一款先～

牛肉油脂分佈唔錯，牛肉同豚肉都值得encore。連牛白肉都有得食，係牛較接近橫隔膜既軟骨位，灼一陣就得，食落爽脆，牛味好濃，不過食多幾舊我就頂唔順陣味。

我地之後就點左D刺身食，刺身就有10款揀，例如有三文魚、八爪魚、北寄貝等。

色澤還好，味道中規中矩，刺身鮮味唔突出。

抖左陣就去拎D打邊爐既配料，打邊爐既食材都係常見既丸同蔬菜，所以就唔多講喇。

有D日式前菜食~~

調味料區~

沙律區~

飲品都幾多選擇，下面個2枝飲品都好可愛!!!!!

我覺得呢個放題最特別既地方係可以叫炸炸物，自己郁手玩！！

炸物配料有雞比菇、茄子、福袋年糕等…

炸物方面我就推介甜蕃薯、芝士丸、蝦、煙肉腸等。炸既過程非常簡單，沾D粉漿再沾麵包糠，再拎去炸就得喇～～有得食又有得玩，自己炸既梗係好味d！

最後一定要食甜品，甜品有勁多唔同味道既雪米糍，紫薯，綠茶、香芋、榴槤都有，仲有dryers雪糕，一人食晒3隻味！

餐牌

餐廳資料：稻八日式火鍋炸物放題　

地址：荃灣德海街18號富利達中心1樓